Léif Alleguer
Leider mussen mir och nees eisen Concert, den fir den 8 Mee geplangt war, duerch di ablécklech Situatioun ofsoen.
Mir hoffen awer, Iech kënnen nom 25 Abrëll weider Datumer bekannt ze gin.
Léif Leit
Leider as et eis duerch di aktuell Covid-Situatioun och net méiglech eisen geplangten Concert den 23. Januar 2021 ze spillen. Dofir gët dëse Concert elo réicht den 08 Mee um 17:00h an um 20:00h gespillt. Reservéiert Billjéen vum Dezemberconcert behaalen selbstverständlech hir Gültegkeet.
Bleift gesond
Op dësen Deeg vun Besënnlechkeet gedenkt d’Ettelbrécker Musek engem vun hieren groussen Dirigenten, dem Philippe Manternach. Hien huet 1881 d’Dirigentenbaguette an eisem Veräin iwerholl an as den 21. Januar 1910 zu Ettelbréck gestuerwen, also virun 110 Joër! Ausser der Philharmonie Grand-Ducale et Municipale Ettelbruck huet d’lëtzebuerger Gesangs-an Musekswelt dem Philippe Manternach och sou munches ze verdanken. An dëser Zäit wou mir eiser musikalescher Tätegkeet leider net esou kënnen nokommen wéi mir wéilten, sollen mir all denen gedenken, déi eis Gesellschaften opgebaut hun an mir sollten soubal et erem méiglech as, den Fortbestand vun eisen Veräiner assuréiren.
An deem Sënn, léiw musikalesch Gréiss un iech all an bleiwt gesond!
Fotoen an Text: Yves Kalmes
Hei nach den Link wou dir den ganzen original Text iwert den Philippe Manternach noliese kënnt:
Wann nawell e bessen op eng aner Art an Weis, hun eis Musikanten et sech net huelen geloss fir zesummen fir Iech ze musizéieren.
Merci eisem Dirigent Rainer fir d’Iddi, dem Armand Stracks fir d’Zesummesetzen vum Video an allen Museker/innen fir d’Matspillen
